India: દેશની રાજધાની દિલ્હીમાં અત્યારે ચાલી રહેલા કોકરોચ જનતા પાર્ટી (CJP) ના વિરોધ પ્રદર્શનો હવે માત્ર રાષ્ટ્રીય જ નહીં, પરંતુ આંતરરાષ્ટ્રીય સ્તરે પણ ચર્ચાનો વિષય બની ગયા છે.
આ પ્રદર્શનો દરમિયાન દિલ્હી પોલીસ દ્વારા કરવામાં આવેલી મોટા પાયાની અટકાયતને લઈને સંયુક્ત રાષ્ટ્ર (UN) ના માનવ અધિકાર કાર્યાલયે ગંભીર ચિંતા વ્યક્ત કરી છે. યુએન તરફથી શનિવારે ભારતીય સત્તાધીશોને શાંતિપૂર્ણ વિરોધ કરવાના નાગરિકોના અધિકારનું સન્માન કરવાની અને સંયમ જાળવવાની ખાસ સલાહ આપવામાં આવી છે.
યુએન માનવ અધિકાર કાર્યાલયના પ્રવક્તા થમીમ અલ-ખૈથને આ મામલે એક નિવેદન આપતા જણાવ્યું હતું કે, દિલ્હીમાં આયોજિત વિશાળ પ્રદર્શનો પહેલાં અને તે દરમિયાન જે રીતે આંદોલનકારીઓ, ચળવળના નેતાઓ, નાગરિક સંગઠનોના સભ્યો, વકીલો અને પત્રકારોની અટકાયત કરવામાં આવી છે તે ખરેખર ચિંતાજનક છે.
તેમણે પોલીસ અને કાયદા અમલીકરણ એજન્સીઓને પ્રદર્શનકારીઓ સાથે કામ લેતી વખતે મહત્તમ સંયમ જાળવવાની અપીલ કરી છે. થમીમ અલ-ખૈથને ભારતની ભવ્ય લોકશાહી પરંપરાઓ અને માનવ અધિકારો પ્રત્યેની પ્રતિબદ્ધતાઓને યાદ અપાવતા સ્પષ્ટ શબ્દોમાં કહ્યું હતું કે, “અમે સત્તાધીશોને વિનંતી કરીએ છીએ કે શાંતિપૂર્ણ સભાના અધિકારનું સંપૂર્ણ સન્માન કરવામાં આવે. જે પણ લોકોને મનસ્વી રીતે કસ્ટડીમાં લેવામાં આવ્યા છે, તેમને તાત્કાલિક અને કોઈપણ પ્રકારની શરત વિના મુક્ત કરવા જોઈએ.”
