મોદી સરકારનો મોટો નિર્ણય, સેલરી-લિમિટ 15,000 રૂપિયાથી વધીને ₹25,000 થઈ:EPFના નિયમમાં 12 વર્ષ પછી ફેરફાર

કેન્દ્રીય કેબિનેટે બુધવારે EPF અને EPS માટે ફરજિયાત બેઝિક સેલરી લિમિટ વધારીને ₹25,000 પ્રતિ મહિનો કરી દીધી છે. હવે કંપનીઓએ 25 હજાર રૂપિયા સુધીના બેઝિક સેલરીવાળા કર્મચારીઓને PFના દાયરામાં સામેલ કરવા જ પડશે. પહેલાં આ લિમિટ ₹15,000 પ્રતિ મહિનો હતી.

કેન્દ્રીય મંત્રી અશ્વિની વૈષ્ણવે બુધવારે કેબિનેટ બેઠક પછી જણાવ્યું કે તેનાથી 51 લાખ કર્મચારીઓને PF બચત અને પેન્શનનો સીધો ફાયદો મળશે.

પહેલાં 15 હજાર રૂપિયાથી વધુ બેઝિક સેલરીવાળા કર્મચારીઓનો PF કપાવો કે ન કપાવો તેમની મરજી પર નિર્ભર કરતો હતો. નવા આદેશથી 25 હજાર રૂપિયાની લિમિટ થયા પછી PF કપાવાથી કર્મચારીની બચત વધશે અને નિવૃત્તિ પર મોટું ફંડ મળશે.

EPFમાં ₹25,000 ની ફરજિયાત કવરેજ સેલરી લિમિટનો અર્થ સરળ ભાષામાં સમજો

• જો કોઈ કર્મચારીનો બેઝિક પગાર + મોંઘવારી ભથ્થું (DA) ₹25,000 કે તેથી ઓછું હોય, તો કંપની માટે તે કર્મચારીને EPF માં સામેલ કરવો ફરજિયાત છે. અગાઉ, 15 હજારથી વધુ બેઝિક પગાર ધરાવતા કર્મચારી માટે આ વૈકલ્પિક હતું.
• જો બેઝિક પગાર + DA ₹25,000 થી વધુ હોય, તો નવા જોઈનિંગ પર EPF ફરજિયાત નથી, પરંતુ આવું ત્યારે જ થશે જ્યારે કર્મચારી પહેલાથી EPF સભ્ય ન હોય.