મોંઘવારીના જમાનામાં રાહત: અમદાવાદ સ્કૂલ વર્ધી એસો.નો મોટો નિર્ણય, જૂના ભાવે જ દોડશે રિક્ષા અને વેન

પશ્ચિમ એશિયા (Middle East)માં ચાલી રહેલા યુદ્ધના કારણે આંતરરાષ્ટ્રીય બજારમાં ક્રૂડ ઓઈલના ભાવ વધવાની અને તેની સીધી અસર ભારતમાં પેટ્રોલ-ડીઝલ પર પડવાની ભીતિ સેવાઈ રહી છે. આવી અસમંજસ ભરી પરિસ્થિતિમાં પણ અમદાવાદ સ્કૂલ વર્ધી એસોસિએશને વાલીઓના હિતમાં એક મહત્ત્વનો નિર્ણય લીધો છે. એસોસિએશને જાહેરાત કરી છે કે આ વર્ષે સ્કૂલ રિક્ષા અને વેનના ભાડામાં કોઈ પણ પ્રકારનો વધારો કરવામાં આવશે નહીં.

અમદાવાદ સ્કૂલ વર્ધી એસોસિએશનના પ્રમુખ ધર્મેન્દ્રભાઈ બારોટે જણાવ્યું હતું કે, છેલ્લે વર્ષ 2024-25માં ભાડામાં વધારો કરવામાં આવ્યો હતો. અત્યારે ભલે વૈશ્વિક સ્તરે ઈંધણના ભાવમાં વધઘટ થવાની શક્યતા હોય, પરંતુ વાલીઓ પર આર્થિક બોજ ન પડે તે હેતુથી એસોસિએશને આ વર્ષે જૂનું ભાડું જ યથાવત રાખવાનો નિર્ણય લીધો છે.

કિલોમીટર મુજબ નક્કી કરાયેલું ભાડું
એસોસિએશન દ્વારા રિક્ષા અને વેન માટે જે ભાડું નક્કી કરવામાં આવ્યું છે, તેની વિગત નીચે મુજબ છે:
અંતર (કિમી),રિક્ષા ભાડું (માસિક),વેન ભાડું (માસિક)

વેન અને રિક્ષા એસોસિએશને આ નિર્ણય દ્વારા વાલીઓનો વિશ્વાસ જીતવાનો પ્રયાસ કર્યો છે. ખાસ કરીને જ્યારે મધ્ય-પૂર્વના સંકટને કારણે બધે જ ભાવ વધારાની ચર્ચાઓ ચાલી રહી છે, ત્યારે અમદાવાદના હજારો વાલીઓ માટે આ સમાચાર ખૂબ જ રાહત આપનારા છે. એસોસિએશને સ્પષ્ટ કર્યું છે કે તેઓ વાલીઓની મુશ્કેલી સમજે છે અને આ આર્થિક પડકારમાં તેમની સાથે ઉભા છે.