અમદાવાદ ખાતે મનનમ્ એન્ટરટેઈનમેન્ટ દ્વારા સમગ્ર ગુજરાતમાં વસતા બ્રહ્મસમાજના યુવાનો માટે ભવ્ય “બ્રહ્મસમાજ નાઈટ ક્રિકેટ ટેનિસ ટુર્નામેન્ટ”નું આયોજન કરવામાં આવ્યું છે. આ ટુર્નામેન્ટનું આયોજન એમ.કે. ફાર્મ, ભાડજ ખાતે કરવામાં આવ્યું છે અને ટુર્નામેન્ટનો પ્રારંભ તા. 28 મે 2026થી થશે.
આ ટુર્નામેન્ટમાં સમગ્ર ગુજરાતમાંથી 16થી વધુ ટીમો ભાગ લેવાની છે, જેને કારણે ક્રિકેટપ્રેમી યુવાનોમાં ભારે ઉત્સાહ જોવા મળી રહ્યો છે.
ટુર્નામેન્ટમાં વિજેતા ટીમ માટે ₹1,11,111 નું આકર્ષક ઇનામ જાહેર કરવામાં આવ્યું છે, જ્યારે રનર્સ અપ ટીમને ₹55,555 નું ઇનામ આપવામાં આવશે. ઉપરાંત “મેન ઓફ ધ સિરીઝ” માટે ₹5,555 તેમજ “શ્રેષ્ઠ બેટ્સમેન” અને “શ્રેષ્ઠ બોલર” માટે ₹2,555 ના વિશેષ પુરસ્કારો પણ રાખવામાં આવ્યા છે. ટુર્નામેન્ટમાં ભાગ લેવા માટે પ્રવેશ ફી ₹10,000 રાખવામાં આવી છે.
આ ટુર્નામેન્ટની એક વિશેષતા એ પણ રહેશે કે ટુર્નામેન્ટમાં ભાગ લેનાર દરેક ખેલાડીને આયોજક તરફથી શ્રીમદ ભાગવત ગીતાનું પવિત્ર પુસ્તક ભેટરૂપે આપવામાં આવશે.
આયોજક મનન ઠાકરએ જણાવ્યું હતું કે આ ટુર્નામેન્ટનો મુખ્ય હેતુ સમાજના યુવાનોને એકતા, રમતગમત અને સાંસ્કૃતિક મૂલ્યો સાથે જોડવાનો છે.
