દિલ્હીમાં કોકરોચો’ ન ઘૂસી શકે તે માટેનું મોટું પ્લાનિંગ! તમામ રાજ્યોના પોલીસ વડાઓને અપાયેલા છે આ નિર્દેશ

કોકરોચ જનતા પાર્ટીએ આજે દેશના યુવાઓેને આહ્વાન કર્યું છે કે તેઓ ચૂંટણી પંચ અને જ્ઞાનેશકુમાર સામે વિરોધ નોંધાવવા અને તેમનું રાજીનામું માંગવાની માંગણી સાથે જંતર મંતર પર વિરોધ પ્રદર્શનમાં સામેલ થાય. આ સમગ્ર મામલે દિલ્હીમાં હાલ ભારત સરકાર પણ એક્શન મોડમાં છે. મીડિયા રિપોર્ટ્સ મુજબ દિલ્હીમાં કડક સુરક્ષા વ્યવસ્થા વચ્ચે કેન્દ્રીય ગૃહ સચિવ ગોવિંદ મોહને તમામ રાજ્યના પોલીસ વડાઓને એક પત્ર લખ્યો છે જેમાં તેમણે રાજ્યો અને કેન્દ્ર શાસિત પ્રદેશોની પોલીસને દિલ્હી પોલીસ સાથે ઝીણામાં ઝીણી બાતમી શેર કરવા અને સમન્વય જાળવી રાખવા જણાવ્યું છે. આ પત્ર 10  ઓક્ટોબરના રોજ પ્રસ્તાવિત પ્રદર્શન પહેલા લખાયેલો છે.

શું લખ્યું છે પત્રમાં?

• કેન્દ્રીય ગૃહ સચિવ ગોવિંદ મોહને આ પત્રમાં લખ્યું છે કે સીજેપીને વિરોધ પ્રદર્શનની સ્પષ્ટ રીતે મંજૂરી મળેલી નથી. 
• મંજૂરી ન મળી હોવા છતાં વિશ્વસનિય ઈન્ટેલિજન્સ માહિતી મળેલી છે કે સંગઠન અને તેમના સમર્થક કાનૂની આદેશોને અવગણીને વવિધ રાજ્યો અને કેન્દ્ર શાસિત પ્રદેશોથી દિલ્હીમાં બિનઅધિકૃત રીતે પ્રવેશવાની કોશિશ કરી શકે છે. 
• પત્રમાં એવી આશંકા જતાવવામાં આવી છે કે તેનાથી જાહેર શાંતિ અને કાયદો વ્યવસ્થા કથળી શકે છે. 
• ગોવિંદ મોહને પોતાના પત્રમાં સીજેપી અને તેમના સમર્થકો, સંગઠનો તથા તેની સાથે જોડાયેલી વ્યક્તિઓના ગત આયોજનોનો પણ ઉલ્લેખ કર્યો હતો. 
• તેમના જણાવ્યાં મુજબ પહેલાના આયોજનોમાં કાનૂની નિર્દેશોનું પાલન નહીં કરવાો રેકોર્ડ રહ્યો હતો. 
• પત્રમાં એવું પણ કહેવામાં આવ્યું છે કે આવી ઘટનાઓના કારણે દિલ્હીમાં જાહેર સંપત્તિને ખુબ નુકસાન પહોંચ્યું અને કાયદો વ્યવસ્થા પ્રભાવિત થઈ. 
• આવી આશંકા  જોતા ગૃહ સચિવે દેશભરના પોલીસ વડાઓને દિલ્હી પોલીસ સાથે ઈન્ટેલિજન્સ સૂચનાઓના આદાન પ્રદાન અને આપસી તાલમેળ પર ભાર મૂક્યો હતો.
  
  અગાઉના પ્રદર્શનમાં ખુબ મચ્યો હતો હંગામો
• દિલ્હી પોલીસના જોઈન્ટ કમિશનર નૂપુર પ્રસાદે શુક્રવારે એક પ્રેસ કોન્ફરન્સ કરી હતી અને સીજેપીના પ્રદર્શનને કેમ મંજૂરી ન આપી તેનું કારણ જણાવ્યું હતું. 
• તેમણે જણાવ્યું હતું કે લગભગ બે મહિના  પ્રદર્શન માટે સંગઠનને મંજૂરી આપી હતી પરંતુ તે દરમિયાન નિયમોનો છડેચોક ભંગ કરાયો હતો. 
• જેના કારણે આ વખતે મંજૂરી આપવામાં નથી આવી. 
• જોઈન્ટ કમિશનર  નૂપુર પ્રસાદે જણાવ્યું હતું કે સીજેપીએ પ્રદર્શનની મંજૂરી માટે હાલમાં જ અરજી કરી હતી. નિયમ મુજબ પોલીસની ઓછામાં ઓછા 10 દિવસ પહેલા મંજૂરી લેવી જરૂરી છે. જેથી કરીને સુરક્ષા વ્યવસ્થા જાળવી શકાય. 
• આ મામલે મંજૂરી ન હોવાથી અને નિયમોના ભંગની સંભાવના જોતા કેન્દ્રીય ગૃહ સચિવે રાજ્યો અને કેન્દ્રશાસિત પ્રદેશોના પોલીસ વડાઓને દિલ્હી પોલીસ સાથે સમન્વય જાળવવા જણાવ્યું હતું.
• અનેક લોકોની અટકાયત, ધ્રુવ રાઠીને પણ ઉઠાવીને લઈ ગઈ પોલીસ
• આજે પ્રદર્શનમાં સામેલ થવા માટે અનેક લોકો જંતર મંતર તરફ આગળ વધી રહ્યા હતા પરંતુ દિલ્હી પોલીસે કાર્યવાહી હાથ  ધરતા 1000થી વધુ લોકોની અટકાયત કરી છે. 
• આ ઉપરાંત સોશિયલ મીડિયા ઈન્ફ્લુએન્સર ધ્રુવ રાઠીને પણ પોલીસ તેમના ઘરેથી ઉઠાવીને લઈ ગઈ. 
• સીજેપીનો દાવો છે કે દિલ્હી પોલીસે ધ્રુવ રાઠીની અટકાયત કરી છે.  સીજેપીની લીગલ ટીમ હેડ રત્ના સિંહને પણ અટકાયતમાં લીધી હોવાનો સીજેપીનો દાવો છે.