રાજસ્થાનના અનુપગઢમાં, ભારતીય સેના પ્રમુખ જનરલ ઉપેન્દ્ર દ્વિવેદીએ પાકિસ્તાનને કડક ચેતવણી આપી હતી. તેમણે કહ્યું હતું કે આ વખતે, અમે ઓપરેશન સિંદૂર 1.0 દરમિયાન દાખવેલા સંયમ નહીં જાળવીએ. આ વખતે અમે એવું કંઈક કરીશું કે પાકિસ્તાન નકશા પર રહેવા માંગે છે કે નહીં તે અંગે પુનર્વિચાર કરવા મજબૂર થશે. આર્મી ચીફે કહ્યું હતું કે જો પાકિસ્તાન નકશા પર રહેવા માંગે છે, તો તેણે રાજ્ય પ્રાયોજિત આતંકવાદ બંધ કરવો પડશે.
વિજયાદશમીના અવસર પર આર્મી ચીફ સૈનિકોને સંબોધિત કરી રહ્યા હતા. તેમણે કહ્યું હતું કે જો પાકિસ્તાન વિશ્વ ઇતિહાસ અને ભૂગોળમાં પોતાનું સ્થાન જાળવી રાખવા માંગે છે, તો તેણે રાજ્ય પ્રાયોજિત આતંકવાદનો અંત લાવવો પડશે. આ વખતે, અમે ઓપરેશન સિંદૂર 1.0 દરમિયાન દાખવેલો સંયમ નહીં જાળવીએ, અને જો ફરીથી ઉશ્કેરવામાં આવશે, તો અમે એક ડગલું આગળ વધીશું. તેમણે સ્પષ્ટતા કરી હતી કે આવી સ્થિતિમાં, ભારતનો પ્રતિભાવ એટલો શક્તિશાળી હશે કે પાકિસ્તાનને નકશા પર રહેવા માંગે છે કે નહીં તે અંગે પુનર્વિચાર કરવા મજબૂર થઇ જશે.મહત્વનું છે કે ઓપરેશન સિંદૂર 1.0 વખતે ભારતે પાકિસ્તાનને જબરજસ્ત પાઠ ભણાવ્યો હતો.ભારતના પ્રહારથી પાકિસ્તાન ફફડી ગયું હતું અને ભારતને યુદ્ધ રોકવા માટે અપીલ કરી હતી.
