18 ડિસેમ્બર, 2025 ના રોજ ઓમાનની મુલાકાતે આવેલા વડા પ્રધાન નરેન્દ્ર મોદીએ પોતાના સંબોધનમાં કહ્યું હતું કે, “સમુદ્રના મોજા બદલાય છે… ઋતુઓ બદલાય છે… પરંતુ ભારત-ઓમાન મિત્રતા દરેક ઋતુ સાથે વધુ મજબૂત બને છે. તે દરેક ઋતુ સાથે નવી ઊંચાઈઓ સુધી પહોંચે છે.”
પીએમ મોદીએ વધુમાં કહ્યું હતું કે, “આજે આપણે ઐતિહાસિક નિર્ણયો લેવા જઈ રહ્યા છીએ, જેના પડઘા વર્ષો સુધી સંભળાશે. આપણો સંબંધ વિશ્વાસના પાયા પર બંધાયેલો છે. આજે આપણા રાજદ્વારી સંબંધોના 70 વર્ષ પૂરા થયા છે. આપણા બંને દેશો વચ્ચેનો સંબંધ મજબૂત બન્યો છે. ભારત અને ઓમાન વચ્ચેની મિત્રતા દરેક ઋતુ સાથે વધુ મજબૂત બને છે.”
પીએમ મોદીએ કહ્યું હતું કે, “મને સાત વર્ષ પછી ઓમાનની મુલાકાત લેવાનું શૌભાગ્ય પ્રાપ્ત થયું. આજે મને તમારા બધા સાથે વાત કરવાની તક મળી છે. આજની સમિટ ભારત-ઓમાન ભાગીદારીને નવી દિશા અને ગતિ આપશે.”
ભારત-ઓમાન ભાગીદારીને નવો અધ્યાય લખશે
પીએમ મોદીએ જણાવ્યું હતું કે દરેક ક્ષેત્રમાં નવીનતાને પ્રોત્સાહન આપવું જોઈએ. આપણે ભારત-ઓમાન ભાગીદારીને એક નવા સ્તરે પહોંચાડવી જોઈએ. આપણે ડઝનબંધ શ્રમ સંહિતા ઘટાડીને ફક્ત ચાર કરી છે. વિશ્વમાં અનિશ્ચિતતા છે. છેલ્લા 11 વર્ષમાં, ભારતે તેના આર્થિક ડીએનએમાં પરિવર્તન લાવ્યું છે. વિવિધતામાં એકતા એ આપણી સંસ્કૃતિનો પાયો છે.
ભારતની પ્રગતિથી ઓમાનને પણ ફાયદો થશે
પીએમ મોદીએ કહ્યું, “અમે દરેક દેશની સંસ્કૃતિનો આદર કરીએ છીએ. આ સમિટ ભારત-ઓમાનની પ્રગતિને નવી દિશા આપશે. અમે ટૂંક સમયમાં ત્રીજી સૌથી મોટી અર્થવ્યવસ્થા બનીશું. આનાથી ઓમાનને પણ ઘણા ફાયદા થશે. ભારત-ઓમાનનો ઇતિહાસ પેઢીઓ સાથે જોડાયેલો છે. આપણે નવા આત્મવિશ્વાસ અને ઉર્જા સાથે આગળ વધવું જોઈએ. વેપારથી શરૂ થયેલો સંબંધ શિક્ષણ દ્વારા મજબૂત બનશે.”
